كتب الشاعر المبدع السيد علي القن قصيده بعنوان سير على بركة ربنا
........((( سير علي بركة ربنا ))).........
الله يعينك و يقويك
مصر وراك دعمها ليك
روحها معاك و بتفديك
مهما الكل قالوا عليك
كل الدنيا ب تشهد ليك
ع بطولات صنعتها أيديك
الله يعينك و يقويك
ده أحنا لحقك ما نوفيك
كل الدنيا ب تحسد فيك
ربي يوفق ليك خطوايك
سير ع البركه الله يخليك
و أياك تشغل بال معاليك
علشان خاطر احنا وراك
مصر ها تكبر كده بخطاك
أبني وعمر كل بلادي
و ازرع حتي جنوب الوادي
مصر عليك يا سيسي بتنادي
كمل حلمك واحنا معاك
الله يعينك و يقويك
تلاتين سته ب يفخر بيك
شفنا ساعتها مواقف ليك
بتقول مصر امانه ف عنيك
قلت ياريس كده وفيت
فاضل الفقراء أمانه ف أيديك
نظره شويه الله يخليك
دول الضهر و سند ليك
صبروا سنين ع الفقر ياريس
بس الرحمه دي طابع فيك
و أرجع اقول الله يعطيك
بس العدل أساس و شريك
وأنا ب أتمني ألاقي شبابنا
في كل ميدان ب تحييك
دول ثروتنا و كنز بلدنا
و أحنا ب دورنا بنترجاك
نلقي عمل ومكان لأولادنا
حق ليهم و واجب ليك
سير ع بركة ربنا وأمشي
بس أتذكر دعا والديك
واحنا معاهم والله ياريس
كل. آمالنا أتحطت فيك
نظرة عطف بحلم ياريس
بلطيم بلدي بتنادي عليك
نفسي نصلح قوي و نطهر
آي فساد الله يخليك
لأجل ما نكبر قد الدنيا
بفضل أرادتك و آمانيك
سير ع بركة ربي ياريس
كل الدنيا ب تدعم فيك
وب تدعيلك ربي يعزك
روح الله الله يخليك
كلمات الاديب الشاعر.د / السيد علي القن
تعليقات
إرسال تعليق