كتب الشاعر المبدع د. عارف المنسي قصيده بعنوان بالذوق بالعافيه
🔲🔲🔲🔲🔲🔲🔲🔲🔲🔲🔲🔲
بالذوق بالعافية هاعيش يومي
وأتحدي وجعي وهمومي
هاعيش أيامي إل بقيالي
وأخلي الدنيا تعوم علي عومي
🔲🔲🔲🔲🔲🔲🔲🔲🔲🔲🔲🔲
بالذوق بالعافية هاعيش يومي
لو أرهن روحي وهدومي
وأساهي الدنيا وأغفلها
وأخطف منها ساعات يومي
🔲🔲🔲🔲🔲🔲🔲🔲🔲🔲🔲🔲
بالذوق بالعافية هاعيش يومي
وأقول للدنيا عشان خاطري
بلاش تكشري في وشي وتزومي
سبيني يادنيا أحلم
ومتحرمنيش من نومي
🔲🔲🔲🔲🔲🔲🔲🔲🔲🔲🔲🔲
بالذوق بالعافية هاعيش يومي بعد ماكبرت يادنيا وعجزت
وضهري إنحني وكمان شبت
ماشوفتش يوم راحة يادنيا
وخلاص يادنيا أنا تعبت
والدنيا مش راضية تحن
وشايفاني تعبان وبئن
الله يسامحك يادنيا
طيب ليه عليا بتلومي
🔲🔲🔲🔲🔲🔲🔲🔲🔲🔲🔲🔲
تعليقات
إرسال تعليق